Wo nashili aankho wali

Wo nashili aankho wali
3.75 (75%) 4 votes

Is mashroof shahar ki bheed me,
Ek nashili aankhon ka deedaar huwa
Kya bataun ab mai ke mujhe,
Pahli hi nazar me pyaar huwa!

Wo dikhti thi usi jagah,
Jaha roj aana jaana tha
Waha mere office me,
Har koi uska deewana tha

Wo hasti thi muskurati thi
Har jagah khushiyan failati thi
Lekin kabhi kabhi tanha baith ke
Najane kaha kho jati thi

Wo nashili aankho wali
Ek Khoobsurat zindagi si thi
Bahot paise the uske pass
Lekin khushiyon ki kami si thi

Mera bhi haal kuch accha na tha
Dost bhi koi saccha na tha
Suni suni si zindagi thi
Chehre pe muskaan bhi saccha na tha

Kabhi kabhi humse baten hone lagi
Apni zindagi bhi badalne lagi
Kuch wo bataye kuch Mai bataun
Or pahchan ki gadi age badhne lagi

Wo kya aaye zindagi me
Sabkuch badla badla sa tha
Aankhon me chamak chehre pe muskaan
Or Sara jahan naya sa tha

Wo jis raah se ghar jate the
Us raste me mera thikana tha
Ek bar raah me kya mile
Ab to roz saath aane jana tha

Sapne man hi man sajane lage
Mohabbat aankhon me chupane lage
Najane kya accha lagta usme
Hum to sapno ka ghar banane lage

Mera saath use accha lagne Laga
Shayad mai bhi uske dil me basne Laga
Ab har jagah hamare hi kisse the
Log najane kya kya kahaniya banate the

Lekin kahaniyon ko to rukna tha
Ab mujhe kahi or jana tha
mera kaam waha se khatam huwa
Jaha uska roj aana jana tha

Maine kaha ab nahi aayege yaha
Mujhse milna ab mushkil hoga
Usne kaha koi baat nahi
Lekin us raah mujhe roj milna

Ab naya silsila sa suru huwa
Roj suni raho me milna suru huwa
Wo dil me or gahre baste gaye
Uska bhi dil pighalna suru huwa

Ek din use bahot udas dekha
Wo humse aansu chupa rahe the
Na hi kuch jawab diya
Or na hi kuch Bata rahe the

Ab roz milna Kam hone laga
Kya mera sanam badalne laga
Ya maine koi galti ki
Yahi soch ke baat Kam karne laga

Ab baate bhi band hone lage
Kayi sawal dil me chubhne lage
Wo baat na rahi zindagi me
Wo muskaan bhi ab khone lage

Socha jo ek bar milu usse
Dil ki baat kahu usse
Wo milne se inkaar karne lage
Na jane kis baat se darne lage

Maine kaha us raah me milna
Tumse kuch poocha hai
Usne kaha mai nahi aungi
Maine kaha bas aakhri bar milna hai

Mai baith ke uska intezaar karta raha
Wo aayi nhi mai tadapta raha
Leke udaas chehra mai wapas chala aaya
Uski yaaden uski nishaniya usi sadak pe mita aaya

Mai sochta raha kaha galti hui
Kaise maine use kho diya
Mere bagair wo rahte na the
Fir kaise usne mujhe chod diya

Ek din uska paigaam aaya
Likha tha mujhse galti hui
Mai chahti thi kisi or ko firbhi
Mujhe tumse mohabbat hui

Mai tumhari ho nahi sakti
Lekin tumhe kho bhi nahi sakti
Kisi or se mera wada hai
Uske liye bhi bewafa ho nahi sakti

Kya karu mai kuch samajh nahi aaya
Isliye tumse doori banaya
Kahi tum dil ki baat Jaan na lo
Isliye mohabbat tumse chupaya

Ab tum hi batao kya kare hum
Tumhe takleef me dekh nahi sakte
Maine kaha ab to is janam me
Hum to ek ho nahi sakte

Main to bhool jaunga tumhe
Or shayad bhool bhi gaya tha
Tumhare paigaam ne sab taza kiya
Wo jo zakhm bhar gaya tha

Meri Jaan ab tum aajaad ho
Beshaq nibhao apna wada
Mai jee lunga apni zindagi
Tum Na badlo apna irada

Or mai jee raha hu apne zindagi
Uski yadon ki chaon me
Aaj bhi uski Khushbu mila jati hai
Un galiyon me un rahon me

Chala jata hu kabhi kabhi
Uski yadon ke sang waqt bitata hu
Us raah me jatehi
Na jane kaha kho jata hu

janta hu ab wo yaha na aayege
Fir bhi kuch pal intezaar kar aata hu
Us nashili aankhon wali ke sang
Kuch yadon ke pal bita aata hu

hum wo khat na jala sake

hum wo khat na jala sake
3.43 (68.57%) 7 votes

khaakh kar di sari nishaniyan
bas wo aakhri paigaam na mita sake

jisme likha tha mujhe bhool jao
hum wo khat na jala sake!

ha chubhta hai aaj bhi thoda thoda
dil me khwaab jo toota tha

wo khwaab pure hoge ye thi ummeed kabhi
wo ummeed ki shamma hum fook ke na bhujha sake

ek ajnabi ho ab ajnabi mere liye
firbhi apna sa kyo lagte hai tu

teri yaaden teri baten sab bhula diye lekin
tere ahsaas ko apni rago se na mita sake

jala diya sab kuch humne
mitane ke liye teri yaadon ko

fook diya humne sara ghar
or bas wahi na mita sake

jisme likha tha mujhe bhool jao
hum wo khat na jala sake!